Një zjarr i madh ka përfshirë shpatin e malit mbi fshatin Luzat në Tepelenë. Zjarri është i përmasave të mëdha dhe me gjithë ndërhyrjen e forcave zjarrfikëse të gjithë qarkut të Gjirokastrës është e pamundur vendosja e tij nën kontroll.
Aktualisht, ka ndërhyrë edhe një helikopter “Coguar”. Helikopteri furnizohet me ujë në Bajkaj të Delvinës.
Në terren, tashmë, janë zjarrfikëset e Tepelenës, Memaliajt, Gjirokastrës dhe Përmetit. Në ndihmë të tyre ka shkuar edhe një zjarrfikëse e Forcave të Armatosura.
