Për rreth 2 orë kryeministri Edi Rama në cilësinë e kryetarit të PS mblodhi sot në seli drejtuesit politikë të qarqeve. Gazetari Ergys Gjençaj raporton për BalkanWeb se mbledhja që u mbajt në selinë rozë, nisi rreth orës 16:00 dhe përfundoi në orën 18:00.
Kjo është mbledhja e 3-të e Ramës me drejtuesit politikë, brenda 10 ditëve. Sipas Gjençajt, takimi në fjalë u mbajt në kuadër të organizimit të zgjedhjeve, ndërsa Rama do iu dha porosi kryesisht për shërbimet ndaj qytetarëve.
Dy të parat u mbajtën më 9 shtator dhe 14 shtator, teksa kjo është e treta. Por në atë të dytën u evidentua qartë se drejtuesit politikë të PS në Veri po hasnin problematika, kurse ata në jug paraqiteshin më mirë. Rama e ka bërë të qartë për të gjithë në PS se kërkon në zgjedhjet e 25 prillit 74 mandate që do i siguronin mandatin e tretë radhazi.