14 shkurti shënoi një ngjarje tragjike në Ostren të Madh në Bulqizë, ku nëna së bashku me dy fëmijët e saj u gjetën të vdekur. Burime për Report Tv bëjnë me dije se në banesën e viktimave është gjetur edhe një shishe rreth 50 gram me një pesticid që përdorej për patatet. Kjo shishe me helm ka qenë në një dhomë tjetër nga ku janë gjetur të vdekur Rajmonda Tola, 45 vjeç, bashku me djalin, Fatjonin 14 vjeç dhe vajzën, Rudinën 22 vjeç.
Detajet e fundit nga vdekja tragjike e nënës me dy fëmijët e saj në Bulqizë. Grupet hetimore kanë gjetur në banesën e familjes Tola një shishe 50 gramshe e cila përdorej për pesticidet e patates.
Dera e dhomës ku mbaj shishja ka qënë e mbyllur por xhami ka qenë i thyer dhe mund të jetë shpërndarë era në dhomat e tjera.
Sipas burimeve të grupit hetimore ilaçi mbante erë të rëndë. Shishja e gjetur është dërrguar në laborator që t’i bëhet ekspertiza në Tiranë.
Megjithatë trupa hetuese nuk përjashton edhe mundësinë se gruaja dhe dy fëmijët e saj të kenë ndërruar jetë si pasojë e asfiksisë nga tymi i përhapur nga soba me dru. Nga kjo ngjarje tragjike arriti të shpëtonte vetëm vajza tjetër e shtëpisë, 16-vjeçarja Merita Tola, e cila u gjet me shenja jete dhe menjëherë u transportua drejt spitalit të Bulqizës. Pas marrjes së ndihmës së parë ajo u transportua në spitalin e Traumës në Tiranë, ku gjendja e saj shëndetësore paraqitet e stabilizuar.
Kujtojmë se policia paraprakisht se familjarët mund të jenë asfiksuar nga rrjedhja e gazit nga bombola, por burime nga Inspektorati Shtetëror Teknik Industrial (ISHTI), pas verifikimeve me një grup ekspertësh dolën në përfundimin se nuk ka dyshime se familja mund të jetë asfiksuar nga gazi.
