Turizmi është në ndër sektorët që po gjeneron të ardhura në rritje, në të gjithë zinxhirin e tij, (hoteleri, restorante, shërbime etj) ndaj dhe biznesi dhe konsumatorët kanë rritur besimin tek ky sektor, me prespektivë zhvillimi edhe në të ardhmen.
Banka e Shqipërisë publikoi sot treguesit e besimit në ekonomi, ku veçon se treguesi i besimit në sektorin e shërbimeve u rrit me 2,8% gjatë tremujorit të dytë dhe mbetet mbi mesataren historike të tij.
Përmirësimi i besimit të biznesit dhe konsumatorëve, pasqyroi rritjen e të dyja balancat formuese të treguesit, që janë ecuria e biznesit dhe kërkesës me përkatësisht 3,2% dhe 2,3%.
Sipas raportit të Bankës së Shqipërisë, në treguesin e besimit në sektorin e tregtisë prevaloi prirja e biznesit për ecurinë pozitive të punësimit.
Banka e Shqipërisë bën të ditur se, “në kahun rritës rezultoi edhe dinamika e balancave të tjera si pritjet për kërkesën dhe punësimin në tremujorin e ardhshëm. Bizneset e shërbimeve rezultojnë të kenë shfrytëzuar kapacitetet e tyre me një normë mesatare 78,3%, e cila qëndron 2,9% mbi normën e shënuar të njëjtin tremujor një vit më parë dhe 2,2% mbi mesataren historike të saj
