I plagosur nga aksidenti i tmerrshem qe ndodhi mengjesin e sotem ne Milano mbeti edhe një shtetas shqiptar, pasi një tren doli nga shinat duke shkaktuar 3 viktima dhe dhjetëra të plagosur.
43-vjeçari eshte identifikuar nga mediat italiane si Gjon Qafafiku, i cili po udhetonte me tren kur ndodhi aksidenti. Sipas mediave italiane, ai e merrte kete linje treni per 15 vjet rresht.
Burri u dëmtua lehtë në gjoks dhe u transportua në spitalin “Niguarda” në Milano.
Gjoni e përshkruan kështu situatën tragjike:
“Ne dëgjuam një zhurmë të madhe dhe fluturuam jashtë dritareve së bashku me sediljet.
Pas aksidentit, i ndihmova dy zotërinj të zbrisnin nga treni. Kuptuam që treni po ecte vetë, pa frena dhe jashte shinave. Ishte një katastrofë. U bë copash. Dy vagona ishin pa drita. Kam 15 vite që marr atë tren. Treni lëvizte mbi gurë”, tha ndër të tjerash shqiptari.
