Kreu i Partisë Agrare Ambientaliste, Agron Duka shprehet i keq ardhur për dorëheqjen e Ben Blushit nga drejtimi i LIBRA-s. Ai thotë se Blushi nuk duhet t’i mungojë skenës politike të vendit, duke shtuar se është i gatshëm t’i bëjë çdo lloj oferte politike.
“Do doja që Blushi të ishte në skenën politike. Nuk besoj se ky do jetë largimi i tij përfundimtar nga politika. Do isha i gatshëm t’i bëja çdo lloj oferte politike, vetëm që të ishte në skenën politike të vendit, pasi për momentin secili kërkon të shoqe një lloj përfitimi për vete. Po kështu nuk duhet të ndodhë. Njerëzit si niveli i Blushit duhet të jenë në politikë. Dhe unë besoj se do jetë sërish në politik, dhe një nga njerëzit që do të na japë inspirimin për polin e tretë në politikë”, u shpreh kreu i PAA, Agron Duka.
