Sezoni i katërt i serialit “The Crown” do të përqëndrohet te marrëdhënia e princit Charles me Diana-n dhe Camilla-n. Trekëndëshi i famshëm i dashurisë është komentuar gjatë si një nga situatat më të komplikuara të mbretërisë. Por, a ishin Camilla, dukesha e Cornwall-it dhe Lady Diana, mikesha me njëra-tjetrën? Ja ç’duhet të dini për marrëdhënien e tyre.
Camilla ishte pjesë e jetës së Charles kur ai u njoh me Diana-n
Arsyeja pse Diana kalonte kohë me Camilla-n ishte fakti se princi Charles e mbajti pranë ish-të dashurën. Charles dhe Camilla filluan të dilnin me njëri-tjetrin në fillim të viteve ’70, por u ndanë kur Charles shkoi të ndiqte shërbime në marinë në shkurt të vitit 1973. Camilla u martua me ish-të dashurin e saj, Andrew Parker Bowles në korrik, vetëm disa muaj pas ndarjes nga princi.
Charles pati një marrëdhënie të afërt me Camilla-n, edhe pasi ajo u martua. Në fakt, Charles është kumbari i djalit të saj, Tom, sipas E!News. Pra, ai kishte një arsye të përhershme që të qëndronte në jetën e Camilla-s. Si rezultat, kur Charles nisi të dilte me Diana-n, miqësia e tij me Camilla-n vazhdonte. Në thelb, ishte e pashmangshme që Diana dhe Camilla të mos takoheshin.
Charles e fshehu raportin e vërtetë me Camilla-n
Në librin “The Duchess: Camilla Parker Bowles and the Love Affair That Rocked the Crown”, ekspertja mbretërore Penny Junor shkroi, “Në vend që t’i shjegonte Diana-s në fillim që Camilla ishte një ish-e dashur e hershme, ai e prezantoi atë si një mikeshë. Junor shtoi, “Atij nuk i shkoi ndërmend që t’i tregonte se kush ishte ajo. Ai i tregoi pas fejesës, duke pranuar se camilla ka qenë një nga të dashurat e tij, por i siguroi Diana-s se që tani e tutje, nuk do të kishte gra të tjera”.
Fotografët kanë kapur momentin e Diana-s dhe Camilla-s
Ndonëse nuk ka prova që Diana dhe Camilla patën ndonjë miqësi të mirëfilltë me njëra-tjetrën, ato u fotografuan më 24 tetor 1980 në Ludlow Racecourse, ku panë princin Charles që të garonte me kuaj. Fotografitë tregojnë se ato duken gazmore në shoqërinë e njëra-tjetrës.
Diana u takua për herë të parë me princin Charles në vitin 1977, kur Charles po dilte me motrën e saj, Lady Sarah Spencer. Asokohe, Diana ishte 16 dhe Charles 29. Romanca e tyre nisi në verën e vitit 1980.
Kur Camilla dhe Diana u fotografuan bashkë në tetor të vitit 1980, Diana njihej si e dashura e princit. Dukej se ato ishin të afërta, por nuk kaloi shumë kohë që prania e Camilla-s të bëhej problem për marrëdhënien e saj me Charles.
Camilla mori pjesë në dasmën e princit Charles dhe Diana-s
Charles njoftoi fejesën me Lady Diana Spencer në shkurt të vitit 1981 dhe në korrik të po atij viti, u realizua dasma përrallore e çiftit. Duke folur për dasmën e saj në një intervistë të vitit 1991 me biografin Andrew Morton, Diana zbuloi se prania e Camilla-s në dasmë ishte shkatërruese.
Tradhtia
People ka raportuar se në bisedën me Morton, Diana zbuloi se Diana ishte konfrontuar me Camilla-n për lidhjen e saj me princ Charles, duke thënë, “Unë isha e tmerruar prej saj”.
“I thashë: ‘Unë e di se çfarë po ndodh me ty dhe Charles dhe dua që ta dini. Ajo më tha: ‘Ke gjithçka ke dashur ndonjëherë. Gjithë burrat nëpër botë po dashurohen me ty dhe ke dy fëmijë të bukur, çfarë do më shumë?’.”
Diana dha intervistën e famshme në BBC në vitin 1995, ku tha: “Ne ishim tre në atë martesë, kështu që ishte pak e mbipopulluar”.
Camilla dhe princi Charles u martuan në një ceremoni civile në prill të vitit 2005. Ajo ka dy fëmijë, Laura dhe Tom, nga martesa e mëparshme me Andrew Parker Bowles.
