GJKKO ka dënuar me 17 vite e 8 muaj burg vëllezërit Flori dhe Fredi Pali të akuzuar për trafik droge dhe grup kriminal në Shqipëri dhe Norvegji.
Sakaq, GJKKO ka dënuar edhe bashkëpunëtoren Anita Adiaj me 6 vite e 8 muaj burg, si pjesë e grupit kriminal.
Flori Pali është dënuar me 11 vite burg, pas zbritjes së 1/3 së dënimit për shkak të gjykimit të shkurtuar. Ai akuzohet për prodhim dhe shitje narkotikësh dhe trafikim drejt Norvegjisë. Flori Pali ishte drejtues dhe organizator i një grupi kriminal që trafikonte drogë në Norvegji (të paktën 4 kg kokainë dhe 10 kg marijuanë), si dhe menaxhonte dhe pastronte të ardhurat kriminale në Shqipëri.
Vëllai i tij Fredi Pali u dënua me 6 vite e 8 muaj burg pas zbritjes së 1/3 së dënimit. Fredi Pali ka menaxhuar paratë e trafikut të drogës të dërguara nga Norvegjia në Shqipëri, për llogari të vëllait të tij Flori Pali, duke ndihmuar në fshehjen e burimit të tyre.Ndërkohë Halit Xhini dhe Steven Cooper janë të dënuar në Norvegji për trafik narkotikësh dhe pastrim parash.
