U prangos nga antiterrori si pjesëtarë i ISIS i kërkuar nga Gjermania për akte terroriste dhe i dyshuar se do të kryente aktivitet terrorist dhe planifikonte akte në Shqipëri, prokuroria kërkon burgosjen për qëllim ekstradimi drejt Berlinit taxhikistanezit Komron Zukhurov.
Seanca për të do të zhvillohet në gjykatën penale të Tiranës këtë të shtunë, ndërsa pritet që avokat i tij të jetë ish-deputeti demokrat Asllan Dogjani. Komron ka mohuar akuzat ndërsa është shprehur se në Shqipëri kishte ardhur pasi përndiqej nga regjimi taxhikistanez dhe autoritetet gjermane.
Prej 17 Shkurtit ai ka qëndruar në Tiranë ndërsa lidhja e tij më Shqipërinë është bashkëjetuesja e ish-deputetit Dogjani e cila është e afërmja 24-vjecarit.
