Një 30-vjeçar grek është kapur në kufi teksa po kthehej në vendlindjen e tij nga pika e Kapshticës, pasi iu gjet një sasi droge.
Shërbimet e Policisë Kufitare Korçë njoftuan sot (14 janar) se gjatë kontrolleve të imtësishme, të kryera në bazë të analizës së riskut, goditën një rast të paligjshmërisë në kufi.“Në dalje të Shqipërisë, gjatë kontrollit në automjetin e shtetasit grek E. K., 30 vjeç, banues në Greqi, u gjet në një valixhe dhe u sekuestrua një sasi e vogël lënde e dyshuar narkotike cannabis sativa”, bëri me dije policia vendore për rastin.
Në përfundim të veprimeve, specialistët për Hetimin e Narkotikëve Korçë, referuan materialet në Prokurori, ku filloi procedimi penal për grekun e dyshuar, që do hetohet në gjendje të lirë.
