Kur vjen puna te ish-gazetarë të shndërruar në shkrimtarë lista e shqiptarëve nuk është e vogël.
Disa prej tyre rezultuan të suksesshëm edhe në gazetari edhe me veprat me të cilat u rritën breza të ndryshëm.
Ne iu njohim me disa prej gazetarëve të cilët u kthyen në shkrimtarët më në zë dhe i mbijetuan kohërave.
Alfred Peza
Peza është një ndër gazetarët i cili karriera e tij në gazetari i kalon më shumë se 20 vite.
Ka qenë kryeredaktor në gazetën “Shekulli”, “Shqip”, “Koha Jonë”, “Korrieri”për të vijuar më pas si Drejtor i Përgjithshëm në televizionin “Ora News” dhe drejtor informacioni në televizionin “Vizion +”.
Peza ka qenë gjithmonë afër njerëzve, afër ngjarjeve, duke u cilësuar si një ndër gazetarër më profesionit që bota televizive ka . “Sarah” ishte vepra e cila bëri bujë që Pezës i ka kushtuar pesë vite punë kërkimore nëpër arkiva, hapje dosjesh pothuaj 100 vjeçare, derisa u bë gati me romanin e tij të parë.
Ben Blushi
Pas punës së tij si kryeredaktor në gazetën “Koha jonë”post të cilin e mbajti deri në mars të vitit 1997. Në karrierën e tij mediatike Blushi ka punuar për radion “Deutsche Welle “ dhe “Indipendent”.
Një tjetër pasion i Blushit ishte edhe ai i të shkruarit libra, ku shumë prej krijimeve të tij letrare kanë qenë suksese të padiskutueshme.”Të jetosh në ishull”, “Shqipëria”,”Kryeministri” “Otello” “Hëna e Shqipërisë”janë veprat e Blushit.
Petro Marko
Ai që përfaqëson më së miri komunitetin e gazetarëve të kthyer në shkrimtarë është Petro Marko. E nisi pikërisht si reporter dhe punoi deri në moshën 23-vjeçare si gazetar në Tiranë dhe atë vit, më 36 u nis vullnetar në Luftën e Spanjës.
Kur kthehet në Shqipërinë e çliruar, ftohet që të qëndrojë në krye të gazetës “Bashkimi” në Tiranë. Disa nga veprat e Petros janë Halimi, Horizont, Qyteti i fundit.
Fatos Kongoli
Shkrimtari për një kohë të gjatë ka punuar si gazetar letrar dhe redaktor në Shtëpinë Botuese “Naim Frashëri”. Është autor i një vargu librash dhe librat e Kongolit janë botuar në disa vende të botës.
Ne vitin 2016 eshte shpallur “Shkrimtari me i mire i vitit”. Disa nga veprat më të pëlqyera janë Lëkura e qenit,I humburi,Kufoma.
Dritëro Agolli
Dritëro Agolli kaloi 15 vite të jetës së tij si gazetar i “Zëri i Popullit”. Më pas ai kaloi si shkrimtar i lirë i inkuadruar edhe në Lidhjen e Shkrimtarëve dhe Artistëve të Shqipërisë.
Krahas punës si reporter lajmi, ai u mor me reportazhe, kritikë dhe analizë letrare si: poezia, poema, tregimet, novelat, romanin, dramën, skenar filmi, reportazhin, e bëjnë figurën e tij shumë dimensionale në letrat shqip.
Ismail Kadare
Autori i kryeveprave si “ Kronikë në gur” “Gjenerali i Ushtrisë së Vdekur”, Prill i thyer”, “Dimri i Madh”, “Pallati i Ëndrrave”, “Kështjella” ka punuar edhe si gazetar. Më 1958 u diplomua në degën e Gjuhës e të Letërsisë në Universitetin e Tiranës. Pasi u kthye nisi punë si gazetar në gazetën “Drita”, e me pas drejton revistën “Les letres albanaises”.
Ishte pikërisht koha kur edhe krijoi romanin “Dimri i madh”. Por ndryshe nga kolegët e tij ndërkombëtarë, Kadaresë iu desh ta zhvillonte karrierën e tij si shkrimtar nën regjimin shtypës e totalitar të Enver Hoxhës, ku fjalët siteshin në kuptimin e plotë të fjalës, ndërsa kuptimet tjetërsoheshin edhe sipas nevojës.
Zija Çela
Edhe shkrimtari Zija Çela ka punuar si redaktor në revistën letrare “Nëntori”, ndërsa nga 1984 – 1990 si kryeredaktor i gazetës letrare “Drita”. Me vendosjen e pluralizmit, Zija Çela u bë drejtor i shtëpisë botuese “Letrat”, ku e filloi veprimtarinë me romanin “Përbindëshi” të Kadaresë, një vepër që ishte ndaluar nga regjimi i mëparshëm.
Në vitin 2000 bëhet kryeredaktor i të përjavshmes “Albania e vogël”, suplement letrar i gazetës së përditshme “Albania”. Njëkohësisht që nga viti 2000, i shquar gjithashtu si eseist dhe publicist, Çela bën jetën e shkrimtarit në profesion të lirë.
/AlpeNews.al
