Qeveria dhe opozita e Venezuelës kanë arritur marrëveshje për të krijuar një “ekip të përhershëm dialogu”, një ditë pasi përfunduan bisedimet për zgjidhjen e krizës politike në vend.
“Pas tre ditëve të dialogut intensiv, kemi arritur një marrëveshje që të krijojmë një “ekip të përhershëm dialogu”, shkruan Nicolas Maduro në rrjetet sociale.
Maduro gjithashtu çmoi vullnetin e qeverisë norvegjeze, e cila ishte ndërmjetësuese në bisedime.
Trazirat politike mes presidentit Maduro dhe liderit të opozitës Juan Guaido kanë vazhduar në Venezuelë që nga 10 janari. Guaido u vetëshpall si president i përkohshëm më 23 janar, duke e cilësuar si mashtrim rizgjedhjen e Maduros në vitin 2018, një veprim i cili u mbështet nga SHBA-të dhe rreth 50 shtete të tjera.
