• Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
AlpeNews
  • 27 January, 2021
AlpeNews

Tirana, Albania

27 January, 2021
  • Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
  • Follow
    • Facebook
    • Twitter
    • Youtube
    • Instagram
  • No categories
KOMENT/ Donald Trump fyen palestinezët
Home
Nderkombetare

KOMENT/ Donald Trump fyen palestinezët

29 January, 2020 bora.autor Botë, Nderkombetare

Kanë kaluar disa dekada dhe konflikti mes Izraelit dhe palestinezëve ka mbetur i pazgjidhur. As luftërat, atentatet rebelimet popullore, dhe as iniciativat ndërkombëtare, marrëveshjet e paqes apo pranimet e rezolutave të OKB-së nuk kanë ndryshuar në thelb diçka. Mosbesimi është shumë i madh, gatishmëria apo aftësia për kompromise historike është të thuash zero tek të dyja palët.

Në këtë kontekst do duhej të ishte një impuls shpresëdhënës, kur një president amerikan, me një vizion bindës politik për paqen nga Uashingtoni i sinjalizon Lindjes së Afërt: Ne ndodhemi në një rrugë pa krye, prandaj po përpiqemi me ide të reja e duke nisur një udhë tërësisht të re.

Fyerje në vend të një marrëveshjeje

Por presidenti Trump është një president, që jo patjetër njihet për vizionet e tij politike të paqes. Edhe për Lindjen e Afërt ai nuk ka ide apo impulse të reja zgjidhjeje. Përkundrazi. Plani i tij i paqes i shpallur si “marrëveshja e shekullit”, nuk është marrëveshje, në kuptimin e një kompromisi të dhimbshëm të negociuar mes dy palëve të barabarta. Ai është qartësisht përpjekje për diktat politik.

Ky plan merr parasysh – me disa kufizime simbolike – në mënyrë shumë të njëanshme dhe zemërgjerë interesat e sigurisë së Izraelit, në një kohë që palestinezët nuk ishin as pjesëmarrës në përpilimin e tij dhe qartësisht janë humbësit. Ata rrezikojnë të humbasin nga aneksimi rajone të tjera të ngulimeve izraelite apo të pushtuara, për të cilat kanë pretendim në bazë të së drejtës ndërkombëtare.

Vërtet që ata me gjasë do të kenë shtetin e tyre, por ky duhet t’u nënshtrohet në mënyrë strikte interesave të sigurisë së Izraelit e duhet të jetë tërësisht i çmilitarizuar. Jeruzalemi do duhet të jetë, siç e bëri të ditur Donald Trump në mënyrë të njëanshme në vitin 2017, – përjetësisht kryeqyteti “i pandarë” i Izraelit. Në të njëjtën kohë, si ngushëllim, disa pjesë në lindjen e Jeruzalemit të populluar me arabë do të shërbejnë në të ardhmen si “kryeqytet” i palestinezëve. Ky plan mund të jetë “shansi i fundit” për palestinezët, tha Trump. Ai mund edhe të thoshte, bini dakord ose lëreni – por një shans tjetër nuk do të keni nga unë! Kështu nuk kanë për t’u ngritur kurrë dy shtete me të drejta të barabarta. Ajo që Trump u jep palestinezëve është një zgjidhje me 1,5 shtete, jo dy shtete.

Sollich Rainer Kommentarbild AppRainer Sollich

Dorë e lirë për Izraelin

Kjo iniciativë politike nuk është vetëm jomorale dhe fyese, sepse në një konflikt dypalësh i ofrohet vetëm më të fortit “e drejta” e tij. “Plani i paqes” së Trumpit është i rrezikshëm, sepse i lë dorë të lirë Izraelit, mbi bazën e një gjoja “marrëveshjeje” të aneksojë territore të tjera palestineze. Për kryeministrin izraelit, Benjamin Netanjahu kjo është gjë e mirë, sepse asnjë kryeministër tjetër izraelit nuk arritur të marrë kaq shumë lëshime nga Uashingtoni. Kjo i siguron atij pikë në fushatën zgjedhore në vend dhe i lë në hije për momentin akuzat për korrupsion.

Kurse nga pala arabe-izraelite priten protesta masive, megjithëse shumë prej tyre janë vetëm pohime gojore. Forcat ekstremiste janë duke fërkuar duart, sepse ky plan u jep atyre një pretekst të ri për terror dhe dhunë. Të gjitha këto nuk kanë për ta bërë më të sigurtë Lindjen e Afërt. As Izraelin. /DW

Facebook Twitter Google+ LinkedIn Pinterest
Next article PENGMARRJA NË KAMËZ/ I arrestuari i sotëm dyshohet se ndihmoi të zhduket trupi i Prengës
Previous article VJEN LAJMI I MIRË! Parlamenti grek vulos marrëveshjen, njihen patentat shqiptare

bora.autor

Postime të ngjashme

DISA DITË PASI U VENDOS NË KRYE TË DETYRËS/ Biden dhe Putin zhvillojnë bisedën telefonike Botë

DISA DITË PASI U VENDOS NË KRYE TË DETYRËS/ Biden dhe Putin zhvillojnë bisedën telefonike

KANCELARJA E GATSHME TË MARRË.../ Angela Merkel fton Joe Biden në Gjermani Botë

KANCELARJA E GATSHME TË MARRË.../ Angela Merkel fton Joe Biden në Gjermani

SHBA/ Gjykimi në Senat ndaj ish-Presidentit Trump më 9 shkurt Botë

SHBA/ Gjykimi në Senat ndaj ish-Presidentit Trump më 9 shkurt

Facebook Comments

MERO BAZE/ “Vetviktimizmimi” i Albinit, si revansh ndaj rendit kushtetues Blog

MERO BAZE/ “Vetviktimizmimi” i Albinit, si revansh ndaj rendit kushtetues

ENDRI KAJSIU/ E pavërteta “Ndragheta”, një kurth i përsëritur mediatiko-politik Blog

ENDRI KAJSIU/ E pavërteta “Ndragheta”, një kurth i përsëritur mediatiko-politik

EDMOND ARIZAJ/ Vajzës sime që la Shqipërinë, për Amerikën Blog

EDMOND ARIZAJ/ Vajzës sime që la Shqipërinë, për Amerikën

MERO BAZE/ Një listë për 26 prillin Blog

MERO BAZE/ Një listë për 26 prillin

KRESHNIK SPAHIU/ O popull, keni dy alternativa: Votoni partitë e reja, ose bojkotoni zgjedhjet Blog

KRESHNIK SPAHIU/ O popull, keni dy alternativa: Votoni partitë e reja, ose bojkotoni zgjedhjet

Na ndiqni në Facebook
  • Breaking News
  • Politikë
  • OP-ED
  • Aktualitet
  • Ekonomi
  • Kulturë
  • Gossip
  • Sport
  • Jetë
  • Back to top
© AlpeNews 2017. Të Gjitha të Drejtat e Rezervuara
KONTAKT