Tre armë zjarri janë gjetur paradite ne sotme nga policia në Maliq.
Mësohet se armët janë gjetur në fshatin Libonik, të hedhura në një kanal, teksa sipas policisë, dy pushkët dhe kallashnikovi janë të ndryshkura dhe jofunksionale.
Armët do të dërgohen në Institutin e Policisë shkencore për ekzaminime të mëtejshme, që pritet të zbulojnë nëse janë përdorur për ngjarje kriminale të mëparshme.
Njoftimi i policisë:
Në fshatin Libonik, në vendin e quajtur “Pompat”, janë gjetur në një kanal, të mbështjella me qese plastike, 3 armë zjarri të ndryshkura, jofunksionale (të dyshuara 1 kallashnikov dhe 2 pushkë).
Armët e zjarrit do të dërgohen në Institutin e Policisë Shkencore, për ekzaminime të mëtejshme.
