Kreu i Partisë Demokratike, Sali Berisha, zhvilloi një takim me përfaqësues të sektorit të fasonerisë në Durrës, ku prezantoi programin ekonomik të PD-së për bizneset prodhuese dhe eksportuese.
Berisha premtoi masa për mbështetjen e sipërmarrjeve shqiptare, teksa akuzoi qeverinë për ndikimin e parave të krimit në ekonominë vendase. Sipas Berishës, rënia e kursit të këmbimit po çon bizneset drejt falimentimit dhe për të shmangur këtë, nëse ai vjen nëpushtet do ketë rimbursime.
Qeveria do të kompensojë çdo qindarkë të humbur nga rënia e euros për eksportuesit, duke siguruar kushte më të qëndrueshme për ta”, u shpreh ai.
Gjithashtu, Berisha premtoi një çmim të ulët të energjisë për bizneset, çka sipas tij do ta bëjë Shqipërinë vendin me energjinë më të lirë për biznesin në Evropë.
Ekonomia ka nevojë për prodhim. Prodhimi në Shqipëri po bie çdo vit dhe është e dhimbshme sepse shoqërohet me rënien e punësimit. Energjia elektrike do të paguhet me 6 lekë. Shqipëria do ketë çmimin më të lirë të energjisë për biznesin në Evropë. E kemi patur dhe do e rikthejmë. Ne do t’i përmbahemi taksës 10%, për ne ajo është taksa më e drejtë dhe funksionon shumë më mirë”, tha Berisha.
