Gjykata e Apelit e Athinës pritet të vendosë ditën e sotme fatin e Laert Haxhiut, i cili kërkohet nga vendi ynë, nën akzuë për disa krime të rënda.
Seanca për të do të mbahet në orën 14:00, teksa prej disa kohësh Shqipëria ka kërkuar ekstradimin e tij, pasi Gjykata e Lushnjes e ka dënuar me 18 vite burg nën akuzë për vrasje të mbetur në tentativë. Haxhia gjithashtu vijon të jetë në proces gjyqësor dhe në SPAK për masakrën e Lushnjes.
Laert Haxhia akuzohet për 6 vrasje të ndodhura në vitet 2021-2022 nga prokuroria e Elbasanit. Dy muaj më parë ekstradimi i Haxhias u refuzua nga Gjykata e Janinës pas kërkesës nga shteti shqiptar.
Laert Haxhiu, kreu i grupit kriminal, bashkë me të penduarin e policisë, Artan Tafani rezultojnë bashkëpunëtor në 4 vrasje në Shqipëri. Gjithashtu 31-vjeçari ka urdhëruar dhe dy vrasje në Greqi. Të gjitha këto krime kanë ndodhur nga vitit 2018 deri në vitin 2021-shin. Ata vranë Çajup Selimin, Fridman Xhaferajn, Alban Semakun dhe Albi Bashaliun.
Dëshmia e Artan Tafanit, i icli u arrestua pasn jë grabitjtje në Trianë dhe vendosi të bashkëpunonte me policinë, zbuloi krimet e rënda të Haxhiut, duke shtuar vendosmërinë e autoriteteve shqiptare për të këkruar ekstradimin e tij.
