Dy vëllezër janë arrestuar nga Policia e Shkodrës, pasi dyshohen si autorë të zjarrvënies ndaj dy automjeteve, ndërsa ishin porositur për djegien e tyre.
Policia bëri të ditur se ka shpallur në kërkim porositësin, i identifikuar si Gjekson Pusi, 37 vjeç. Ky i fundit njihet nga policia, pasi është dënuar më parë për grabitje.
Nga pamjet e publikuara, dy vëllezërit Elvis dhe Klevis Serraj, pasi kanë marrë porositë për djegien e dy automjeteve, shkonin me biçikletë në vendin ku parkoheshin automjetet, i lagnin dhe benzinë makinat dhe i vinin flakën.
Në kuadër të operacionit u kapën dhe u vunë në pranga shtetasit E. S., 19 vjeç dhe K. S., 20 vjeç (vëllezër), të dyshuar si autorë të djegies së dy automjeteve.
Si dhe u shpall në kërkim dhe vijon puna për kapjen e shtetasit Gj.P, 37 vjeç, banues në Shkodër, i dyshuar si porositësi i djegies së automjeteve në pronësi të shtetasit S. H.


