Detaje të reja janë zbuluar nga atentati i djeshëm në Lushnje. Gazetarja Dorjana Bezat raporton për BalkanWeb se nga kqyrja e kamerave rezulton se pronari i lokalit, Bledar Muça i cili ngeli edhe viktimë e atentatit ishte ulur në tavolinë vetëm me kunatin e tij, Judin Velon.
Ky i fundit është dërguar në spitalin e Traumës.
Ndërkohë 4 të plagosurit e tjerë, mes tyre dhe 3 gra ishin kliente të rastësishëm në lokal dhe ishin ulur në një tjetër tavolinë teksa nuk kishin asnjë lidhje me Bledar Muçën.
Viktima ishte i martuar me mbesën e shtetasit Roland Shyti, ndërsa kunati Judin Velo ishte nipi i Roland Shytit dhe kunati i Muçës. Roland Shyti njihet ndryshe edhe si “mustaqe kuqi” dhe anëtar i bandës “Hakmarrja për drejtësi”.
Ditën e djeshme Lushnja u trondit nga atentati me armë zjarri pasi autorët me një Golf4 qëlluan nga makina duke hapur vetëm xhamin dhe vranë Bledar Muçën teksa plagosën kunatin e tij dhe 4 klientët e tjerë.
