Ish-presidentja e Koresë Jugore, Park Geun-hye është shpalluar fajtore për shpërdorim detyre dhe abuzim me pozitën zyrtare.
Ajo është akuzuar për 18 raste të ndryshme që lidhen me korrupsionin. Vendimi përfundimtar për Park Geun-hye pritet të jepet në orët në vazhdim.
Ky rast është kulmimi i një skandali të madh që e ka goditur Korenë Jugore, ku përsfhihen elita politike e ajo e biznesit, shkruan BBC.
Zonja Park, ka mohuar akuzat, por për të është kërkuar 30 vite burgim dhe gjobë të rëndë.
Sipas akuzave ajo ka bashkëpunuar me shoqen e saj, Choi Soon-sil, duke përdorur fuqinë e tyre politike për përfitime personale.
Choi, e cila u ngrit në jetën politike në Kore si e besuar e Park, është dënuar për korrupsion në shkurt.
