Është arrestuar pasi aksidentoi një të mitur, një 57 vjeçar në Burrel.
Burime zyrtare nga policia bënë me dije se shtetasi Besim Milloshi, teksa drejtonte mjetin me targa AA 114 MC ka aksidentuar shtetasen e mitur E.M, 10 vjeçe. Kjo e fundit ndodhet jashtë rrezikut për jetën.
Njoftimi i policië:
Aksidenton me automjet një shtetase të mitur, arrestohet në flagrancë nga Policia.
Nga Specialistët për Hetimin e Aksidenteve Rrugore, në Komisariatin e Policisë Mat, u bë arrestimi në flagrancë i shtetasit :
Besim Milloshi, 57 vjeç, banues në Burrel.
Arrestimi i tij u bë pasi në qytetin e Burrelit, duke drejtuar automjetin furgon me targa AA 114 MC ka aksidentuar shtetasen e mitur E.M, 10 vjeçe, e cila ka marrë dëmtime në trup, dhe ndodhet jashtë rrezikut për jetën. Materialet i kaluan Prokurorisë Rrethit Gjyqësor Mat për veprën penale “Shkelje e rregullave të qarkullimit rrugor”, parashikuar nga neni 290 i Kodit Penal.
