Rrugët kryesore të vendit pas thuajse dy ditë reshje pa ndërprerje janë të hapura, me përjashtim të disa akseve dytësore e rurale, ku po vijon puna për normalizimin e trafikut.
Kështu thonë të dhënat e fundit nga Komiteti i Koordinimit të Emergjencave Civile. Ndërkohë, falë punës në terren të OSHEE-së është arritur të minimizohet numri i abonentëve pa energji.
Gjatë mbledhjes së komitetit, nën drejtimin e kryeministrit, u lanë detyra për marrjen e masave paraprake për përballimin në ditët në vijim të situatës me borë në zonat malore të vendit.
Gjithashtu u vendos për fillimin menjëherë të inventarizimit të plotë të dëmeve në banesa, rrugë, ura, shkolla, bujqësi etj.
“Fatura e vlerësimeve të kompensimeve do të bëhet në mënyrë transparente dhe do të sigurohet përfshirja e të gjitha familjeve të prekura, veçanërisht atyre në nevojë”, thuhet në një njoftim për shtyp.