Arrestohet një shqiptar 30-vjeçar në Itali, pasi rrëmbeu, dhunoi dhe përdhunoi për tre ditë ish-të dashurën e tij italiane, nënë e dy fëmijëve.
Mediat italiane shkruajnë se shqiptari me iniciale M.M ka rrëmbyer ish të dashurën dhe e ka mbajtur peng në një apartament në Foligno.
Aty gruaja i është neënshtruar dhunës fizike dhe seksuale, pasi është përdhunuar për tre ditë, duke mos e lejuar të ketë asnjë komunikim me njerez jashtë.
Pas tre ditësh, ai e ka marrë në makinë më vete, për të shkuar në një qendër tregtare, dhe gruaja duke përfituar nga situata ka hapur derën në pjesën e parkingut dhe ka tentuar të hidhet kur makina nuk ishte ende e parkuar.
Nga kamerat e sigurisë policia ka siguruar pamje të mjaftueshme për gjithë ngjarjen, edhe momentin kur shqiptari del dhe e kap zvarre për ta futur brenda sërish, madje edhe e dhunon.
Por prania e njerëzve që kanë qenë aty ka ndihmuar gruan, e duke parë këtë situatë 30 vjeçari është larguar me gjithë makinë.
Policia zbuloi targat e makinës dhe arriti më në fund ta ndalonte dhe ta çonte në burg. Kurse gruaja iu nënshtrua sa më pare ekzaminimeve mjeksore, ndërkohë që ka nisur proçesi për dhunuesin.
