Ish-ministri i Ekonomisë, Tregtisë dhe Energjetikës, Genc Ruli, ka qenë mbrëmjen e sotme në emisionin “Studio e hapur” për të folur mbi hetimet për privatizimin e CEZ.
Kujtojmë se disa ditë më parë, Ruli u paraqit në Prokurorinë e Tiranës, për të dhënë shpjegime për aferën CEZ.
“Në parimin e drejtësisë që bëhet nuk më lejohet të flas detaje më tepër. Por mund të them se i përmbahem argumentit tim në lidhej me këtë çështje. Nëse ka një çështje CEZ që çohet në formë akuze, duhet të kemi parasysh kronikën, nuk është një reagim i partisë Socialiste që për faktin se konstaton gabime bën detyrën dhe denoncon rastin. Por KLSH e cilëson këtë një dëm të madh financiar, apo edhe se nuk janë mbrojtur interesat e shtetit. Por ata e rritën borxhin shumë herë më shumë, me pretendimin se trashëguan borxhe”, tha Ruli.
Çfarë deklaruat ju në prokurori?
Unë shpjegova se çfarë dija unë. Unë nga një proces hetimi mendoj se duhet të përgjigjesh haptazi për ato që di. Në një kohë tjetër kur faktet manipulohen.
Ju nuk e quani një hetim politik?
Është i iniciuar politik, kështu ndodh gjithmonë në Shqipëri.
Pse ju e konsideroni një privatizim të suksesshëm?
Falimentimi është një dështim në biznes, por privatizimi është një proces më vete.
Privatizimi është i ligjshëm i suksesshëm, kompania ishte e pesta në Evropë, ishte një transaksion ishte më se transparent. Kompania është një nga më seriozet në fushën e energjisë me një eksperiencë në Evropë. Kur u shit kompania ishte 55 milion euro.
Hamza Merxhani është shprehur se në kontaktin e parë me ju e ka pasur në vitin 2007. E mbani mend?
Këto emra kanë dalë në Komisionin Hetimor, ka dalë edhe një shqiptaro-kosovar, Ndue Kalaj, a Noel Kalaj. Sigurisht nuk I kam njohur asnjëherë. As para dhe as gjatë dhe as pas privatizimit. Për më tepër që të gjitha kompanitë që kanë marrë pjesë në atë garën e para kualifikimit, apo që shprehnin interes paraprak, edhe kur kanë ardhur në Shqipëri kemi bërë disa takime, I fundit konkludues ishte në formë koference.
