Policia e Sarandës ka mundur të arrestojë sot në flagrancë dy të rinj, teksa grabisnin dy tv plazma në banesën e një qytetari në Sarandë.
Sipas policisë së qytetit bregdetar në shoqërinë e njeri-tjetrit Armir Çarçani, 22 vjeç dhe Llambro Prifti, 20 vjeç gjatë natës së sotme në lagjen “Nr.4”, kanë vjedhur banesën e shtetasit N.Sh., dy televizor plazma.
Ndërsa gjatë kontrollit në mjetin e tyre policia ka mundur të gjejë një pistoletë sportive/manovre, thika, shkopa gome etj, sende të cilat dyshohen se autorët i kanë përdorur për vjedhje të ndryshme që mund të kenë kryer.
Po vijon puna për dokumentimin ligjor të vjedhjeve të tjera që këta shtetas dyshohen të kenë kryer. Materialet hetimore do t’i referohen Prokurorisë Sarandë për veprime të mëtejshme.
