Hetimet për shkatërrimit të grupit italo-shqiptar që u godit sot në Romë ku ra në pranga edhe këngëtarja e njohur shqiptare Elsa Lila, kishin nisur pas arrestimit të disa persaonave për trafik droge në zonat e Torpignattara dhe Marranella.
Mediat ialiane bëjnë me dije se gjatë hetimeve dolën në pah lidhje me organizatat kriminale të drogës në Romë që vepronin në zonën e Acilias.
Një prej drejtuesve të grupit rezulton të jetë një shtetas shqiprar i cili tashmë është arratisur jashtë Italisë.
Ai shpesh bashkëpunonte me disa shqiptarë të tjerë për paketimin e lëndës narkotike, ruajtjen e saj dhe shitjen, por edhe me italianë të tjerë të cilët siguronin lëndë narkotike në këmbim të shumave të mëdha monetare.
Takimet e grupit organizoheshin në disa bare në Acilia ku anëtarët e grupit diskutonin për hapin e radhës dhe bazat ku do të vendosej lënda narkotike.
Nga kontrollet e policisë është konstatuar edhe një bodrum që përdorej për ruajtjen e drogës si dhe një magazinë në Torrevecchia.
