Shkrimtarja Helena Kadare ka përcjellë një mesazh sensibilizim për marrjen e vaksinës.
Në mesazhin e shpërndarë nga ministrja e Shëndetësisë Ogerta Manastirliu ajo shprehet se e ka të pamundur të gjejë logjikën e refuzimit të vaksinës nga ana e të rinjve.
Sipas saj, refuzimi i vaksinës është njësoj si t’i thuash jetës “Jo” në favor të mos qenies.
“Ne të rriturit, i shpëtuam kësaj murtaje në sajë të vaksinës. Por në një bilanc të shkurtër, çfarë na duhet jeta pa nipërit e mbesat tona?
Sepse tani vala po godet ata. E kam të pamundur t’i gjej logjikën refuzimit të vaksinës prej të rinjve. Është njësoj si t’i thuash Jetës jo, në favor të mosqenies! Kaq e thjeshtë”, thuhet në mesazhin e saj.
