Në familjen mbretërore duket se kanë nisur ethet, e kjo për shkak se Princi Harry do të botojë shumë libra për jetën e tij në mbretëri. Por duket se Duka i Sussex nuk do të ndalet me kaq.
Mediat e huaja shkruajnë se Harry ka nënshkruar një marrëveshje mjaft fitimprurëse për katër libra. Thuhet se njëri prej tyre, do të dalë vetëm pasi Mbretëresha Elizabeth të ketë ndërruar jetë.
Lajmi që libri i dytë do të dalë në treg vetëm pasi gjyshja mbretëreshë të jetë ndarë nga jeta e bën edhe më të madhe frikën e mbretërorëve për detajet që Harry do zbulojë.
Ndërkohë është bërë e ditur se libri i parë do të dalë në treg së shpejti, dhe se do të jetë vetëm maja e këtij ajsbergu.
Njëkohësisht është mësuar se shifra e madhe përfundimtare që Princ Harry arriti që të fitonte nga kjo kontratë me shtëpinë botuese, është 29 milionë paund.
Si pjesë e kontratës është dhe një libër “Wellness” që do të shkruajë Meghan. Kurse subjekti dhe autori i titullit të katërt është i panjohur.
