Partia Agrare Ambientaliste ka akuzuar Kryeministrin Rama se ka rritur korrupsionin, duke iu referuar raportit të DASH.
Ata u bënë thirrje të rinjve, shoqërisë civile, forcave progresive personaliteteve me profil, të bashkohen bashke për të pastruar metastaza vdekjeprurëse që sipas tyre kanë dëmtuar rëndë demokracinë, ekonominë dhe buxhetin e shtetit.
Sipas tyre, Rama urdhëron vjedhjen e votave në 2021 sepse po kërkon një kazan sa më të madh pushteti personal, i cili edhe sipas këtij raporti është kazani i llumit të korrupsionit dhe kapjes së shtetit
“Ky raport i DASH, raport i vendit që është partner strategjik prioritar dhe i përhershëm i kombit shqiptar, është një skaner 3D që qartëson se sa shumë janë shtrirë dhe janë rritur metastazat e korrupsionit dhe kapjes së shtetit në çdo qelizë të Ramaqeveri dhe në çdo nivel përfaqësimi politik të Rilindjes në qeverisjen qëndrore dhe vendore.
Çdo përpjekje e sforcuar e Ramës për të mbijetuar politkisht e ushqyer nga aleanca kriminale, çdo keq-shpërdorim i institucioneve shtetërore dhe burimeve financiare të buxhetit të shtetit do ta bejë më të thellë humbjen e pushtetit të Ramës.
PAA u bën thirrje publike sidomos të rinjve, shoqërisë civile, forcave progresiste, personaliteteve me profil dhe kredibilitet të lartë publik të bashkohen për të pastruar këto metastaza vdekjeprurëse që kanë dëmtuar rëndë demokracinë, ekonominë dhe buxhetin e shtetit.
Hapi i parë është vota plebishitare kundër Ramaqeveri e cila sipas këtij raporti, konsiderohet pengesa më e madhe dhe më e rëndë për një të ardhme më të mirë për të gjithë shqiptarët dhe jo vetëm oligarkët dhe hajdutët e tij.
Rama nuk po kërkon një mandat për të shërbyer por për të vjedhur dhe varfëruar shqiptarët deri në palcë.
Rama në 2017 kërkoi gjithë tepsinë e pushtetit që duket se nuk i ka mjaftuar.
Rama urdhëron mbledhjen/vjedhjen e votave në 2021 sepse po kërkon një kazan sa më të madh pushteti personal, i cili edhe sipas këtij raporti është kazani i llumit të korrupsonit dhe kapjes së shtetit“, thuhet në deklaratën zyrtare të PAA.
