PS, PD dhe LSI kanë përcaktuar emrat e deputetëve që do të jenë pjesë e komisionit ad-hoc për përzgjedhjen e anëtarëve të Këshillit të Lartë të Gjyqësorit dhe Këshillit të Lartë të Prokurorisë.
Partia Socialiste do të përfaqësohet me Ulsi Manjën, Vasilika Hysin dhe Klotilda Bushën.
Ndërsa Partia Demokratike do të përfaqësohet nga Oerd Bylykbashi, i cili do të jetë edhe nënkryetar i komisionit, dhe LSI me Nasip Naçon.
Më herët, në Komisionin e Ligjeve u miratua rregullorja për përzgjedhjen e anëtarëve të Këshillit të Lartë të Prokurorisë dhe të Këshillit të Lartë Gjyqësor.
