Për tre vite me radhë, një person pa identitet i dërgonte një vajze 14- vjeçare foto me përmbajtje erotike. Fotot dërgoheshin në Snapchat, një rrjet social ku fotot ose videot fshihen pas disa sekondash.
E mitura nuk e merrte guximin ta denonconte sepse, përveç fotove që fshiheshin, ajo nuk kishte informacion për identitetin e personit.
Viktima vazhdimisht e pyeste për emrin e tij, dhe përgjigjja ishte:
“Nuk mund të tregoj sepse do humbas punën dhe familjen”
Vajza 14- vjeçare vuri re se xhaketa e personit në Snapchat ishte e njëjtë me atë të mësuesit të biologjisë, Timothy Sean Brennan në shkollën e mesme “Kentwood” në Washington.
“Më shkruante vazhdimisht për të shkuar në zyrën e tij” , rrëfen e mitura e pyetur nga policia.
45- vjeçari, Timothy Sean Brennan, u arrestua pak ditë më parë dhe pret të marrë dënimin për dy akuza: abuzim me të miturit dhe shpërdorim detyre.
