Grupet parlamentare të PD dhe të LSI po zhvillojnë një mbledhje të përbashkët për të marrë një vendim për ecurinë e aksionit opozitar.
Burimet bëjnë të ditur se opozita po diskuton për skenarët e mundshme të zhvillimit të protestave, të cilat duket se do të vazhdojnë.
Të njëjtat burime thonë se një nga skenaret është edhe bojkoti i parlamentit, bllokimi i institucioneve, duke filluar që nga institucioni i Prokurorisë, por edhe propozimi i Berishës për të djegur mandatet, por duhet theksuar se nuk ka ende asnjë vendim.
Duket se vendimi për djegien e mandateve ka ngjallur debate, por po merr edhe vëmendjen e opozitës.
