Të tjera detaje dalin në dritë në lidhje me ngjarjen e rëndë në Vlorë, ku një 46-vjeçar u gjet i vrarë në banesën e tij. Mësohet se grupi hetimor ka dyshime se Altin Alikaj është vrarë, pasi plaga pas koke që i ka shkaktuar edhe vdekjen ka qenë e thellë, ndërsa dyshohet se është goditur me një sëpatë.
Viktima, ish-ushtarak, nuk njihej si person problematik në lagjen e tij ku banonte (24 Maji).
Aktualisht policia po merr në pyetje fqinjët e viktimës dhe të njohur të tij, për të zbardhur ngjarjen në fjalë. Sipas policisë, po hetohen disa pista, ajo e ndonjë konflikti të mundshëm apo dhe ndonjë grabitje.
Ka qenë nëna e 46-vjeçarit që sinjalizoi policinë për zhdukjen e djalit, i cili kishte humbur kontaktet me familjen që prej 8 ditësh. Ishte pirkëshit nëna që udhëtoi nga Greqia dhe drejt Vlorës, dhe e gjeti djalin të vrarë në banesë.
