Një grup grabitësish kanë shkuar të dielën në mëngjes në një kazino në Suharekë. Plani për plaçkitje, si duket nuk kishte shkuar siç e kishin menduar hajdutët. Gjithçka devijoi deri në të shtëna me armë, për ta lënë të vrarë një punonjës të këtij lokali.
32 vjeçari Jetmir Aliaj, punonjës i një kazinoje në Suharekë, mbeti i vrarë me armë zjarri dje në mëngjes. Ngjarja ndodhi në vendin e tij të punës, derisa një grup personash kishin hyrë brenda për të kryer plaçkitje.
Plumbat në trupin e tij po dyshohet se i zbrazi një rreshter policor, që tashmë është arrestuar nga Policia.
Zyrtari I policisë në fjalë nuk ishte aty për ta mbrojtur Jetmirin nga plaçkitësit.
Përkundrazi Shefki Spahiu, emri i policit, dyshohet se ishte njëri prej tyre që tentuan të kryejnë vjedhjen që përfundoi me fatalitet vrasjne e rojes së kazinosë.
I arrestuari
Mediat kanë mësuar përmes burimeve, se informacionet e para që ka hetuesia në Prizren, në lidhje me këtë rast, tregojnë se viktima ishte qëlluar për vdekje nga i dyshuari pasi kishte arritur ta identifikonte atë, ndërkohë që ishte me tre persona tjerë dhe po kryente plaçkitjen brenda kazinosë.
Por, kjo nuk del të jetë hera e parë që rreshteri policor Shefki Spahiu të dyshohet për vepra penale. I njëjti, edhe kohë më parë ishte përballur me dyshime për një rast dhunimi. Ai për këtë ishte përjashtuar nga Policia e Kosovës, por që më pas ishte kthyer në vendin e tij të punës.
Se një zyrtar policor është i dyshuar për vrasjen në Suharekë ka bërë të ditur vetë Policia e Kosovës, të dielën përmes një konferencë.
“Në bazë të provave materiale, viktima është J. A. nga fshati Mushtisht. Kemi ardhë në përfundim se i dyshuari i vetëm është një zyrtar policor, rreshter në veri të Prizrenit me iniciale SH.S. Policia ka bërë kontrollin në shtëpinë e tij dhe më pas është arrestuar”, u tha nga Policia, gjatë konferencës që u mbajt në Prishtinë.
Viktima
Polcia ka njoftuar se i dyshuari është dërguar në mbajtje për 48 orë, derisa do të dalë para gjykatës e cila pritet t’i caktojë masën e sigurisë.
I riu Jetmir Aliaj është viktima e dytë e vrarë të dielën në Suharekë. Në një fshat të kësaj qyteze, të njëjtën ditë, ka ndodhur edhe një tjetër vrasje për motive krejt të ndryshme. Një 64 vjeçar dyshohet se u qëllua për vdekje nga vëllai i tij 72 vjeç, për shkak të një kontesti pronësor.
