Ngjarja e rëndë që tronditi kryeqytetin e së enjtes vijon të mbetet ende e pazbardhur.
Rreth orës 21:40, në zonën e ish bllokut pati krisma, ku një person mbeti i vdekur, tre u plagosën e tre “ia mbathën”.
Mëngjesin pasues, u bë me dije se “molla e sherrit”, ishte këngëtarja e njohur Elvana Gjata. Kjo e fundit për shkak se një ngacmim që ishte bërë, kishte nisur “luftën” midis të dashurit të saj dhe palës “ngacmuese”.
AlpeNews.al rindërton dhe njëherë skemën dhe rolet e protagonistëve.
Elvana Gjata, e lidhur prej kohësh me biznesmenin, Ervin Mata. Mësohet se këngëtarja kishte shkuar në lokal për ti dhënë çelësin të fejuarit të saj.
Ervin Mata, biznesmen. Jeta e tij ka qënë e ndërtuar mes Shqipërisë dhe Gjermanisë. Ka në pronësi një hotel në Tiranë si dhe firmë ndërtimi.
Ervis Martinaj, emër i njohur për policinë. I përfshirë në vrasjen e Liznës dhe sherre të ndryshme në clubet e Tiranës. Pronar i llotove sportive.
Visi ishte ai që ngacmoi Elvana Gjatën.
Redi Popesku, pronari i lokalit ku ndodhi përplasja. Ka qënë i pranishëm dhe duket të jetë personi kyç për hetimet pasi ka rrëfyer të gjitha detajet në dëshminë e tij.
Merviol Bilo, truproja e Elvana Gjatës njëkohësisht komando tek Forcat e Armatosura. I njohur si qitësi më i mirë.
Fabiol Gaxha, mbeti viktimë. Ishte truproja i Ervis Martinaj. Detaji i trishtë është se ishte i diagnostikuar me tumor në kokë dhe nuk kishte shumë kohë jetë.
Fabiol Alushi, në tavolinë me Elvana Gjatën. Dyshohet si autor i vrasjes, ndodhet në kërkim dhe nuk ka detaje për të.
Geldo Hoti, kapet në Kakavijë pas tre ditësh. Deklaron se ishte në tavolinë por nuk ka bërë asnjë veprim.
Eljo Hato, në tavolinë me Ervis Martinaj.
Edhe ky me precedent të mëparshëm penal. Nën efektin e alkoolit ka vrarë një moshatarin e tij pas një sherri banal. Një vit më pas, pasi ndodhej në burgun e Shën-Kollit, Eljon Hato, akuzohet se ka porositur vrasjen e mjekut radiolog të spitalit të Shkodrës.
Përgatiti:AlpeNews.al
