Gazetarja Klodiana Lala ka deklaruar se shkak për eliminimin e Bledar Muçës, i cili u vra në Belgjikë, mund të jetë bërë edhe fakti që ai posedonte pamje të shumë ngjarjeve krimianel. E ftuar në “Opinion”, Lala tha se e ka takuar personalisht Muçën dhe ka folur me të të cilit i ka kërkuar pamjet e atentatit që iu bë Ardian Çapjas me snajper.
Gazetarja tha më tej se ai nuk kishte pranuar e se ato pamje janë në Britani të Madhe, në duart e kujt, nuk dihet.
“Ai ka video të ngjarjeve kriminale. I ruan dhe i dërgon në Britani të Madhe. Se kujt ia dërgon, nuk di ta them, këtë s’e di/ Më ka ardhur dhe më ka takuar me tre makina të blinduara, kishte vëzhguar të gjithë zonën përreth. Unë në atë kohë kërkoja të kisha patjetër pamjet e atentatit që iu bë me snajper Ardian Çapjas. Ata nuk pranuan, por më thanë, vetë Bledi më tha se i kishte pamjet dhe i kishte dërguar në Britani. Po, po, mund ta kenë eliminuar edhe për të mosmnxjerrë pamje të ngjarjeve kriminale,”- tha Lala.
