Ambasadorja e Bashkimit Europian në vendin tonë, Romana Vlahutin, i ka dorëzuar kryetarit të Partisë Demokratike, Lulzim Basha, rekomandimin pozitiv të Komisionit Europian për çeljen e negociatave për anëtarësim në BE. Mësohet se takimi Vlahutin-Basha është zhvilluar në ambientet e Kryesisë së Kuvendit.
Në seancën e sotme plenare, kryedemokrati Basha tha nga foltorja e Kuvendit se rruga europiane e Shqipërisë është e vetmja mundësi për të ngritur institucione të besueshme dhe demokratike.
Sipas kreut të PD-së, “Rruga europiane është e vetmja mundësi që kemi për të ndarë politikën nga krimi, dhe për të shpëtuar Shqipërinë nga droga”./Balkanweb
