Deputeti i Bundestagut gjerman Nikolas Löbel i bëri thirrje politikës shqiptare se nuk mjafton që të bindet vetëm Gjermania, por e gjithë Europa.
Nikolas Löbel: Evropa është një bindje dhe për të krijuar këtë bindje nuk duhet bindur vetëm Gjermania, por të gjitha vendet e BE dhe për këtë është krijuar një plan kohor që në pranverën e 2019 do të jetë KE që do të prezantojë një progres raport dhe në bazë të këtij progres raproti do të merret vendimi. Fillimi i bisedimeve për anëtarësimin në BE nuk është fundi i një procesi por fillimi i tij, dhe 92% e shqiptarëve duan të jenë pjesë e BE dhe kjo është gjë e mirë për BE.
Viti 2019 është vit i rëndësishëm për Shqipërinë, për të cilin po punojmë së bashku. Por është një vit që është i mbushur edhe me sfida dhe për t’i përballuar ato jemi duke punuar me qeverinë shqiptare në mënyrë që zhvillimet pozitive të konstatohen në ekonomi, luftën kundër korrupsionti por edhe në reformën zgjedhore që Gjermania i kushton një vëmendje të madhe. Deri tani Shqipëria është në një rrugë të mirë drejt perspektivës europiane.
