Një ngjarje rëndë ndodhi diten e djeshme në një fshat në afërsi të Fushë-Krujës, kur kalimtarë të rastit panë të digjet mes ferrave dhe kallamishteve një makinë, brenda së cilës policia gjeti kufomën e një mashkulli.
Pamje nga vendi i ngjarjes
Personi i gjetur i pajetë brenda në automjet u identifikua si Xhafer Osmani shtetas Kosovar. Automjeti në fjalë ka hyrë pesë ditë më parë nga pika e kalimit të Morinës në Kosovë drejt Shqipërisë dhe është i regjistruar në emër të shtetasit Xhafert Osmani nga Mitrovica.
Viktima, Xhafer Osmani
Detaje të reja kanë dalë ditën e sotme dhe ngjarja është drejt zbardhjes së plotë. Dyshohet se viktima kishte një lidhje dashurie me një femër në Fushë-Krujë.
Avni Zahiti, zëdhënësi i policisë së Drejtorisë së Mitrovicës thotë se familjarët e Xhafer Osmanit kanë denoncuar si person të zhdukur 57-vjecarin. Ata kane thënë se kryefamiljari u kishte thënë se po shkonte në Shqipëri pasi kishte një punë.
Dyshohet se ishte pikërisht lidhja intime shkaku i ngjarjes së rëndë. Ngjarja është filmuar nga kamerat e një biznesi qëndodhet në afërsi të saj
Sipas të dhënave, mjeti ishte i pajisur me xhama të zinj në dyert e pasme, ndërsa kamerat kanë arritur të fiksojnë vetëm shoferin, një person rreth 30 – 35 vjeç. Ndërsa viktima dyshohet se ka qenë i lidhur në pjesën e pasme të automjetit.
Pasi kanë vajtur në fund të një are të mbjellë me grurë dhe pa dalje, autorët e kanë fshehur makinën në kallamishte për të mos u dukur.
Misteri që mbulon ngjarjen përveç identitetit të viktimës është fakti përse autorët e kanë mbajtur për rreth tre orë në të njëjtin vend dhe më pas kanë vendosur ta djegin.
Dyshimet janë se ndaj viktimës mund të jetë ushtruar dhunë apo tortura të ndryshme me qëllim nxjerrjen e ndonjë të dhëne që ju ka interesuar autorëve, të cilët më pas e kanë vrarë dhe i kanë vënë zjarrin makinës për të humbur gjurmët.
Zyrtarisht mësohet se viktima është gjendur i karbonizuar me pak pjesë biologjike të mbetura në pjesën e pasme të makinës. Ndërkoh pritet zbardhja e plotë e ngjarjes.
AlpeNews.al
