Një bankë e nivelit të dytë është grabitur paraditen e sotme në zonën e Komunës së Parisit në Tiranë.
Ngjarja është regjistruar rreth orës 10:45, kur një person i maskuar, i veshur me rroba të zeza dhe bluzë me kapuç, me shall të zi dhe kokore në kokë, ka hyrë në ambientet e bankës dhe nën kërcënimin e një sendi në dukje armë, ka marrë një shumë parash.
Sipas informacioneve paraprake, autori dyshohet se ka kërcënuar edhe punonjësin e sigurisë private në hyrje të bankës.
Pas marrjes së njoftimit, policia ka ngritur pika kontrolli dhe ka angazhuar shërbimet për identifikimin dhe kapjen e autorit.
Grupi hetimor po punon për zbardhjen e plotë të rrethanave të ngjarjes.
