Kryetarja e LSI, Monika Kryemadhi në intervistën e saj, në emision “Kjo javë” në News ka folur në lidhje me akuzat që i janë bërë Ministrit të Brendshëm, Fatmir Xhafaj.
Kryemadhi tha se beson që akuzat janë të vërteta dhe këto akuza do të nxjerrin në pah grupet kriminale që janë brenda maxhorancës.
Pjesë nga intervista
Si e shihni Xhafajn dhe pozitën e tij?
Nëse është e vërtetë dhe besoj që është e vërtetë, është shumë e rëndë, të falsifikosh një ne shumë të rëndësishëm. Është falsifikim se nuk është diskutuar në komision. Është shumë e rëndë dhe është një shans shumë i mirë për zonjën Marku që të nis hetimet për këtë gjë.
Ajo çka dua të them, për mua veprime të tilla janë veprime mafioze dhe nxjerr jashtë loje Parlamentin. Në raste të tilla, vjen një moment se ti shkruaj se thuaj ca të duash unë do bëj diçka tjetër. Kjo është një situatë që në një farë mënyrë dhe do tregoj haptas grupet kriminale brenda maxhorancës.
Pse tani dhe jo kur Bardhi ishte ministër?
Kam përshtypjen se është bërë tani që janë marrë të gjitha dokumentacionet. PD siguroi të gjitha të dhënat, dhe tregoi cika të re. Do jetë një hap më pas për të ftuar zonjën Marku për një hetim.
