Një shqiptar humbi jetën tragjikisht në Itali në rrethana ende të paqarta rreth dy ditë më parë.
40-vjeçari, i identifikuar si Edmond Vistaraj, ndërroi jetë pas një zhytjeje në pishinë në një rezidencë hoteli në Lido di Savio, në bregdetin e Ravennas.
Mediat italiane raportojnë se ai ishte baba i dy fëmijëve. Ngjarja ndodhi dy ditë më parë kur shqiptari i cili ishte në pishinë me disa familjarë dhe miq, u zhyt dhe u vu re menjëherë nga familjarët e tmerruar pasi trupi doli mbi ujë.
Edhe pse miqtë bënë të pamundurën ta risjellin në jetë ishte e kotë.
Sipas hipotezave të para, vdekja mund të lidhte me një traumë të kafkës pasi thuhet se mund të jetë përplasur me kokë në fundin e pishinës.