Greqia ka shtuar masat kufizuese në kufi, me qëllim frenimin e përhapjes së koronavirusist. Së fundmi raportohet se autoritetet e vendit fqinj kanë vendosur që nga data 17 gusht të lejojnë hyrjen nga pika e kalimit kufitar të Kakavijës të vetëm 750 personave.
Veç kësaj, të gjithë ata që duan të kalojnë në Greqi duhet të kenë kryer testin molekular për Covid-19 jo më larg se 72 orë dhe duhet të kenë rezultuar negativë.
Masat më të fundit të autoriteteve greke të ndërmarra të hënën pritet të reduktojnë ndjeshëm tendencën e shqiptarëve për t`u kthyer nga Greqia për pushimet verore në Shqipëri.
Greqia ka ende në fuqi rregullin e vendosur për mbylljen e kufijve nga ora 22:00 e mbrëmjes deri në 06:00 të mëngjesit për të gjithë udhëtarët.