Pas denoncimit në media të vëllait të Ervehe Dedejt, 56-vjeçares që ndërroi jetë në datë 27 gusht në spitalin e Durrrësit pasi kishte konsumuar medikamente mjekësore, i cili akuzoi stafin e urgjencës se e kishin lënë motrën e tij 3 orë pa i dhënë ndihmën e parë, policia e Durrësit nis procedimin penal për ndihmës mjekun L.L. 49 vjeç, banues në qytetin bregdetar.
Sipas policisë, dyshohet se ndihmës mjeku nuk ka bërë mjekim të kujdesshëm ndaj gruas që ndërroi jetë në duart e mjekëve.
“Më datë 31.08.2018 u referuan materialet në Prokurorinë pranë Gjykatës së Shkallës Parë Durrës për shtetasin L. L. 49 vjeç, banues në Durrës, ndihmës/mjek, pasi ndaj tij ka bërë kallzim shtetasi A. D. 51 vjeç, banues në Durrës, pasi dyshohet se nuk ka bërë mjekim të kujdesshëm ndaj motrës së tij shtetases E. D. 56 vjeçe, banuese në Durrës e e cila ka gjetur vdekjen më datë 27.08.2018. Neni 96 i Kodit Penal”, njofton policia.