Zëvendësministrja e Shëndetësisë, Mira Rakacolli bëri të ditur se varianti i ri i koronavirusit nuk është evidentuar ende në Shqipëri.
Gjithashtu, ajo thekoi se deri më 18 janar do të jenë të pezulluar fluturimet me Britaninë e Madhe.
“Në diskutimet e bëra sot në mbledhjen e Komitetit të Ekspertëve theksuam se kjo situatë e qëndrueshme është pasojë e masave të marra dhe do të mbeten në fuqi, fluturimet me Britaninë e Madhe të pezulluara deri më 18 janar. Është një situatë ku duhet të jemi të vëmendshëm, pasi priten pasojat për shkak të festave të fundvitit”, deklaroi Rakacolli.
