Ashtu si Atletico e Valencia, që janë më afër Barcelonë, edhe Reali do të luftojë për titull, thotë Valverde.
Barcelona ka bërë paraqitje fantastike të dielën mbrëma kundër Real Sociedad, duke përmbysur rezultatin prej 2:0 për të fituar në fund 2:4 në “Anoeta”, stadium në të cilin nuk merrte pikët e plota që nga viti 2007, shkruan Gazeta Express.
Me këtë fitore, Barça ka shkuar në nëntë pikë diferencë me Realin, të cilët të shtunën e pranuan se ka përfunduar gjithçka sa i përket titullit, pas humbjes nga Villarreali në “Santiago Bernabeu”, por kështu nuk mendon Ernesto Valverde.
“Ndoshta Real Madridi i shikon ekipet tjera më afër nesh dhe e thonë atë, por nuk mendoj se ndonjë skuadër ka hequr dorë nga gara për titull”, tha Valverde.
“Atletico Madrid jo, as Valencia, por as Real Madridi nuk mendoj edhe pse diferenca me të vërtetë është shumë e madhe dhe natyrisht për ne kjo është e rëndësishme”, shtoi trajneri i Barcelonës.
Barcelona aktualisht është 19 pikë para Real Madridit pas 19 xhirove, pas pjesës së parë të sezonit.
