Ish-kryeministri Isa Mustafa brenda pak orëve pritet të niset për shërim në Gjermani.
Mustafa, sipas zyrtarëve të Spitalit Amerikan, tashmë është larguar nga ky spital ku për më shumë se një javë ka marrë trajtimin mjekësorë.
Nga ky spital, për Gazeten Express, kanë njoftuar se gjendja e liderit të opozitës është stabile.
Besnik Berisha, këshilltar i kreut të LDK’së, ka treguar se pasdite ish-kryeministri Isa Mustafa pritet të niset për në Gjermani.
“Janë duke u bere koordinimet e nevojshme dhe z. Mustafa sot, në orët e paradites do të niset për në Gjermani”, tha Berisha për Express.
Ndonëse Qeveria ka njoftuar për ofrim të ndihmës për shërimin e Isa Mustafës, sipas këshilltarit të tij një gjë e tillë ende nuk është bërë.
“Qeveria ende nuk ka ndarw mjete për financim për shërim”, tha Besnik Berisha.
Ish-Kryeministri Mustafa do t’i duhet të shkojë në një qendër rehabilitimi për fizioterapi në Gjermani, pas gati një javë qëndrimi i shtrirë në një spital privat në Prishtinë.
Atij do t’i duhet për për t’u kuruar nga një grip sezonal, por që ka prekur me gjasë rëndë shëndetin e tij.
Megjithatë, gjendja shëndetësore e liderit opozitar është pak më serioze – sesa një grip i zakonshëm sezonal. Gazeta Express ka mësuar se ish-Kryeministri nuk është ne rrezik jete, mirëpo, për shkak te trajtimit me vonesë të gripit, gjendja shëndetësore i është komplikuar seriozisht.
Ai nuk është në gjendje të lëvizë, ndërsa për t’u rehabilituar plotësisht duhet të kalojnë muaj të tërë.
Sipas burimeve të gazetës, mjekët dyshojnë se Kryetari i LDK’së është prekur nga sindoroma “Guillain-Barré syndrome”. Trajtimi i kësaj sëmundjeje, për njerëzit që nuk kanë aktivitet të fortë fizik, apo për ata të cilët janë më në moshë, është shumë i vështirë dhe sëmundja mund të lë pasoja.
Sindroma GBS është një çrregullim në të cilin sistemi imunitar i trupit sulmon një pjesë të sistemit nervor periferik.
Simptomat e para të këtij çrregullimi përfshijnë shkallë të ndryshme të dobësisë ose ndjesive. Këto simptoma mund të rriten me intensitet derisa muskuj të caktuar nuk mund të përdoren fare dhe, kur është e rëndë, personi është pothuajse tërësisht i paralizuar.
Një individ i tillë shpesh vihet në një ventilator për ta ndihmuar me frymëmarrje dhe është parë nga afër për probleme të tilla si rrahje jonormale të zemrës, infeksione, mpiksje të gjakut dhe presion i lartë ose i ulët të gjakut.
Shumica e individëve, megjithatë, kanë shërim nga kjo sindomë, edhe pse disa vazhdojnë të kenë një shkallë të caktuar të dobësisë.
