Një valë arrestimesh është duke u kryer mëngjesin e sotëm në Maqedoni, lidhur me natën e përgjakshme në Kuvendin e Maqedonisë më 27 prill të këtij vit.
Ndër 36 personat të cilët po ndiqen nga Prokuroria, të dyshuar për “Rrezikim terrorist të rendit kushtetues”, janë ish-ministri i Punëve të Bredshme Mitko Çavkov, deputeti Kërsto Mukoski, deputetja Zhaklina Stefanovska, deputeti Luben Arnaudov nga Ohri, aktori Vllado Jovanovski, Goran Angellov – Qoseto nga Velesi, ish-drejtori i Fondit për Sigurim Shëndetësor Sashe Stefanovski dhe të tjerë.
“Prokuroria Themelore Publike për ndjekjen e krimit të organizuar dhe korrupsionit, pas ndërmarrjes së të gjitha veprimeve për vërtetimin e fakteve lidhur me ngjarjet që ndodhën më 27 prill 2017 në Kuvendin e Republikës së Maqedonisë e përfundoi procedurën parahetimore.
Pas shqyrtimit dhe analizës së materialit të grumbulluar provues, “Prokuroria Themelore Publike për ndjekjen e krimit të organizuar dhe korrupsionit dhe Urdhër për zbatimin e procedurës hetimore kundër 36 personave për shkak të dyshimit të bazuar për vepër të kryer penale Rrezikim terrorist i rendit kushtetues dhe sigurisë nga neni 313 i Kodit penal”.
Më 27 prill të këtij viti, pas zgjedhjes së Talat Xhaferit si shqiptari i parë i zgjedhur si kreparlamentar në Maqedoni, një grup i madh njerëzish, të ndihmuar nga një pjesë e policisë, si dhe nga deputetë të VMRO-DPMNE-së hynë në Kuvend dhe sulmuan deputetët e shumicës së re parlamentare, duke e rrahur keq kreun e Aleancës për Shqiptarët, Ziadin Selën, por edhe disa deputetë maqedonas, ndër të cilët kryeministrin aktual Zoran Zaev.
Për dhunimin e Selës tashmë gjenden në paraburgim disa persona me akuzën për “tentim vrasjeje”.
