Në Sheshin Skënderbej po zhvillohet festa në nder të 105 vjetorit të Pavarësisë së Shqipërisë. Është programuar që Himni Kombëtar do të luhet nga 100 kitaristë të rinj.
Kryetari i bashkisë së Tiranës Erion Veliaj ka ngritur në mënyrë simbolike flamurin kuq e zi në Sheshin Skënderbej në Tiranë, nën melodinë e himnit kombëtar dhe të rënave të daullve.
“Dua t’iu falenderoj të gjithëve, gëzuar festën e pavarësisë, kjo është dita më e bukur e të gjithë shqiptarëve, është ditë e shenjtë, për të kujtuar sa shumë rrugë kemi bërë nga 105 vjetë më parë. 1912-ta ishte kurorëzimi i luftës për të bërë një shtet shqiptar.
Patriotët e dinin shumë mirë që 28 nëntori ishte fillimi i një sfide për të krijuar një vend evropian. Shqipëria është një projekt i përbashkët për çdo brez, që duhet të bëjë detyrën e vet ndaj Shqipërisë. Sheshi Skënderbej filloi në 1913 dhe përfundon më 2017, pas 104 vitesh, ky shesh është një hapësirë simbolike për të arritur ambiciet tona. Po të pyesnim ata burra dhe gra që luftuan për pavarësinë, mesazhi që do të na jepnin është se 28 nëntori është një ditë ku duhet të shohim për të ecur përpara. Të gjithëve na kujtohen emrat e Ismail Qemalit, Isa Boletini, por 28 nëntori ishte dhe dita e njerëzve të thjeshtë, që ishin shtylla kurrizore që bëri të mundur atë ditë” – u shpreh Kryetari i bashkisë Erion Veliaj./ApleNews.al/
