Qendrat shëndetësore në kryeqytet janë pajisur me vaksinën ndaj gripit sezonal dhe tashmë pranë tyre ka nisur procesi i vaksinimit.
Mjekët thonë se koha më e përshtatshme për të shmangur komplikacionet e rënda të gripit, ështëmuajt tetor dhe nëntor ndaj edhe këta të fundit bëjnë apel për vaksinimin në kohë.
Vaksinimi do të jetë falas për disa kategori, ndërkohë që personat më të rrezikuar që duhet të mbrohen nga gripi janë: personeli shëndetësor, fëmijët, të sëmurët kronikë dhe të moshuarit. Bluzat e bardha vënë në dukje se vaksina nuk ka efekte anësore dhe mbrojtja nga gripi nis dy javë pas vaksinimit.
Vaksina mund të japi pak skuqje të vendit të vaksinimit 1-2 ditë, pak temperaturë dhe pak gjendje gripale, por jo grip. Nga momenti i vaksinimit duhen dy javë për krijimin e antitrupave që krijon mbrojtjen nga vaksina. Vaksina e gripit të mbron nga gripi por jo nga sëmundje të ngjashme siç janë një rrufë, një temperaturë apo ftohja.
Në total, për këtë sezon, ISHP ka siguruar 100 mijë doza për vaksinimin falas ndaj gripit të popullatës në risk dhe këto doza janë shpërndarë në të gjitha qendrat shëndetësore.
/AlpeNews.al/