Pas arrestimit të tre personave në qytetin e Gramshit, ku një prej tyre ishte edhe kryetari i PD-së së qytetit Elmas Haruni ka reaguar në rrugë zyrtare edhe Policia e Shtetit.
Në njoftimin zyrtar shkruhet se shoferi i këtij automjeti ka qenë i dehur në një masë të konsiderueshme për t’u ndalur nga
Policia dhe për t’i sekuestruar lejen e qarkullimit, dhe lejen e drejtimit (patentën).
ALPENews.al sjell njoftimi zyrtar mëposhtë të publikuar mëngjesin e sotëm nga Policia e Shtetit:
Në zbatim të planit te masave nga Policia Rrugore për parandalimin e aksidenteve rrugore, shërbimet e Policisë Rrugore të vendosura në hyrje të qyteteit të Gramshit, kanë ndaluar për kontroll mjetin tip “Benz” me drejtues shtetasi A. Rr., 39 vjeç , banues në Gramsh, ku në mjet ndodheshin si pasagjerë shtetasit E.H.,51 vjeç, banues ne Gramsh dhe shtetasi E.Z, 35 vjeç, banues ne Gramsh.
Gjatë kontrollit të dokumentacionit të mjetit, pasagjeri shtetasi E.h., ka kundërshtuar dhe ofenduar punonjësit e policisë të cilët ishin duke kryer detyren. Nga ana e sherbimeve të policisë u bë shoqerimi i mjetit tip benz me gjithë personat në ambjentet e Komisariatit të Policisë Elbasan.
Pas bërjes së testit të alkoolit drejtuesi i mjetit shtetasi A. Rr. rezultoi në gjendje të dehur në masën 0.85 mg/l, i cili u arrestua në flagrancë, ndërsa shtetasi E.H., pas përfundimit të veprimeve të kryera nga OPGJ i Prokurorisë u proçedua penalisht në gjendje të lirë për veprën penale “Mosbindja ndaj urdhrit të punonjësit të policisë së rendit publik”, parashikuar nga neni 242 të Kodit Penal.
VIDEOJA E ARRESTIMIT TË 3 TË KAPURVE
